تبادل
لینک هوشمند
الساعه غيروهه شكثر ما فاد الساعه تغيرت بس نفس الايام
بعهد صدام جام البيت مكسور ومن البرد ليلك ما تنامه
هسه البيت دافي وصار بي جام بس كلب العراق نكسر جامه
شمالك وجهك اصفر يا عراق شبيك
ابو النهرين انته شبيك مو راوي
حقك وجهك اصفر حقك انته تخاف جفوف اهلك لونك بعد شتلاوي
موجوعين جنه وهسه موجوعين وموجوع الدوه جا بيمن نداوي
كلت ماكو وعي وحتى الوعي لو صار ما بي عافيه ولا حيل بي خاوي
كالو مو سوى الشعب موديلات كلبت الشعب نص الشعب عاوي
مو زرقاوي واحد يا عراق اذاك تلاث ارباع شعبك هوه زرقاوي
او مو وضع الشعب مئساوي لا ولله بس هوه الشعب مخلوق مئساوي
يلتصلي وتحوسم ليش لنه يكول احوسم مستحب بس اكون سكتاوي
وليكلي انما الاعمال بلنيات انا صح حوسمت بس ما جنت ناوي
وليكلي حوسمت بس جنت مجبور وعلى الاحوض وجوبا لان جنت ىداوي
وهسه انته مو داوي بفضل لامريكان بس هسه ندست بلجيه ولروحه
شنو الفايده يا شعب تصعد فوك وعزت نفسك على الكاع مطروحه
وشنو الفايده بيدك الف قناص وما تعرف منو اليستاهل تلوحه
يلسمونه ولد الملحه انا وياك صارت ماصخه جا وين الملوحه
اذا رايد طروحه ذل وبوك من هذا الشعب اخذ احسن طروحه
هم شايف شعب من عمره ضل يبوك الجرح ويبوك الدوه من اجروحه
شكثر متمرجحو بلعيد او والدهم ما ضايك المر جوحه
واتمنى يعجبكم الشعر تحياتي
یا سلام علی الزمن
انه متحطم تمام انه محروم المنام
انه بعیونی الکلام ابگد سکوتی ویه الصبر
یا سلام ،یا سلام علی الزمان الیحفر ابگلبی حفر
یا سلام علی الزمان الصاهر آمالی صهر
آنا قربان العذاب آنا محروم الشباب آنا یا عالم یا ناس کتاب منسی ولا ینذکر
یا سلام ، یا سلام علی الزمان السلب منی سنین العمر
یا سلام علی الزمان بس الک درب الغدر
انا روحی ابلایامروح آنا دمعه واسه و نوح انا منزل لجروح الوکرت ابگلبی وکر
یا سلام ،یاسلام علی الزمان الکاسر الخاطر کسر
یا سلام علی الزمان الباعدنا عن احبابنا دهر
للشاعر ((عادل فاضل السکرانی ))
بوجهى وان كان المصلى ورائيا
(مجنون ليلى)
انه المجنون ما مجنون قبلاى
والك وديـت ويـه الريـح قبلاى
صوبك من اصلى اتصيرقبلاى
وبشر خلفى وأمـم بل بـريه
زمانى فوق شوك الضيم طرباى
وبـس الـون غـده والنـوح طرباى
جـرح بجفاك جـان وصار طرباى
ويـزول الـطـــر اذا مـريـت بـيـه
الوكت من شوف شخصك منعانى
وجــــرح بــل روح بــــيـــه منعانى
انــه مــالــــوم وكــــتــى منعانى
لأن مــيــت بـقـت بـس روح بيه
سهم لحظک دلیل الگلب خلّه
و جعلت ابعگلی الموزون خلّه
حکیمی لا تجس النبض خلّه
الألم بأگصی الحشه ما هو بدیّه
عبود الحاج سلطان
***
ابحبل اجفاک چاتفنی و انا میت
گرّت عین کل شامت و انا میت
ترانی الناس حی أمشی و أنا میت
لچن ثوب الصبر ساتر علیه
ایفیر البحیّر
***
أحشّم بالسلف محّد حمالای
او تدرون الدهر ناره حمالای
علی الایناب ما ذبّن حمالای
اهناک و طلع عار و من علیه
یابر الوهبی
***
دوم اعله الافاعی مده یادای
او عدوّی دوم جرحه مده یادای
مدّه اسهیل اصیرن مده یادای ( جُدی )
التایه و الیضیع استجد بیه
صدام البرّاک ما أدری الشِعر ألمن هوی اللیل
لچن الکل دروا ولفه هو اللیل
مثل شبّاچ یتنطّر هوا اللیل
هویت آنه هواکم یمر بیه
***
ما ظل خضر ، جف الگلب شف هم
فرح ما شاف شاف امصاف شف هم
ما افهم معانی الفرح شفهم
و أنه ادرس أذه بمدرسة الاذیة
حسن عاشور - مدینة المحمّرة
یسایر دوک حث الجدم بکره
جفونی و الجفن مکتحل بکره
یسبتی ابحیّکم ضیّعت بکره
حمل لَنشَد علیها و لا حبیّه
عبود الحاج سلطان
***
یَهَل هالدیر أسلکم بل علیکم
و عسی لا أنزل الله بل علیکم
انصحونی ابسؤالی بل علیکم
بکره ابحیّکم ضاعت علیه
ملا محمد المایود
گلت عن حالی من نشدوا خلانی
الزمن فد نوب من صبری خلانی
طبل بچفوف شمّاتی خلانی
و خذاهم واهس الطگّات بیه
سعید سلمان آل صگور
سهم لحظک دلیل الگلب خلّه
و جعلت ابعگلی الموزون خلّه
حکیمی لا تجس النبض خلّه
الألم بأگصی الحشه ما هو بدیّه
عبود الحاج سلطان
***
ابحبل اجفاک چاتفنی و انا میت
گرّت عین کل شامت و انا میت
ترانی الناس حی أمشی و أنا میت
لچن ثوب الصبر ساتر علیه
ایفیر البحیّر
